....*مفاجـــــأة....* ```` خبر هام..... سار جدا جدا```

[newman]

يا جماعة هى العربية المجمعة فيها اتوماتيك ولا لا

[sv065]

السلام عليكم

السادة الأفاضل منتظري السيارة byd

معلش طال إنتظاركم لكن نعمل إيه الوكيل محدش فاهم إستراتيجيته إيه في الدعاية

المهم كلام الزملاء سليم 100 %

السيارة معروضة الآن تجميع محلي في معرض الأمل بشارع النزهة أمام الرقابة الإدارية

ومنها نوعين فقط

g-i نفس كماليات الموديل الصيني وسعره 59900 جنيه مصري

و gl-i وبرضه نفس كماليات الموديل الصيني وسعره 62900 جنيه مصري

ولا يوجد من الإنتاج المحلي أتوماتيك وليس هناك نيه لإنتاجه محليا

والموديلين مزودين بجنوط سبور

وعموما الفرق بين الموديلين يتلخص في الإيرباج وفرامل abs + ebd وجهاز الإنذار

والبيع بنظام الحجز والإستلام بعد 15 يوم

والصراحة الأسعار دي قنبلة بمعني الكلمة وأنا شخصيا مكنتش متوقعها

ومبرووووووك عليكم جميعا

[Usama Nagi]

بس لاحظت ان اللحامات اللي في الحوض باينه شويه (تنقصها الحرفيه الدقيقه) و الاكر بتاعه الباب ضعيفه...

هل اللحامات اللي باينة دي تؤثر علي السيارة (خصوصا اللي علي البطاحات اللي ماسكة المساعدين من فوق)

[x_gomgom]

هل اللحامات اللي باينة دي تؤثر علي السيارة (خصوصا اللي علي البطاحات اللي ماسكة المساعدين من فوق)

هو سؤالك في محله جداً و مسأله التأثير دي برضه نسبيه....
اكيد مع المدي الطويل ممكن شكل اللحامات يبان اكثر في الحوض كشكل....
اما من حيث التأثير هي ممكن لا قدر الله تفك و يطلع المساعد بالبطاحه بس دي اكيد لو لا قدر الله دخلت في نقره او مطب من الانواع الخطره وعلى سرعه (عشان الواحد يقول الحق هو مش سيئ جداً يعني اللحامات مش بلبان و اسف في اللفظ)...
يا رب اكون افدت

[Usama Nagi]

طب معلش هي الصيني من ال byd كان فيها الموضوع دا ولا دا ظاهر بس في التجميع المصري

[Hacker5]

سعر ممتاز لسيارة ممتازة
اعتقد دة زكاء من التوكيل عشان يدخلها فى احلال الملاكى و التاكسى :)

[x_gomgom]

طب معلش هي الصيني من ال byd كان فيها الموضوع دا ولا دا ظاهر بس في التجميع المصري

هي الصيني كان اللحام فيها انضف بس دا كان موديل السنه اللي فاتت .....
بس مش هو الفرق اللي يخليك تترعب منها (معايا لادا 2107 مصري فيها برضه عيوب لحامات) الموضوع بسيط...

[mimo4019]

أنا اعتقد ان حتى لو اللحامات مش باينة في الصيني مهو برضه كده كده لازم يكون فيه لحامات المهم ان اللحام يكون كويس.

[sv065]

السلام عليكم

السادة الأفاضل

أحب ان أوضح أمر بسيط بخصوص اللحامات بالحوض

أمر ظهور أو عدم ظهورها ليس مقياس إطلاقا للجودة أو لعدمها وإلا كانت جميع السيارات رديئة فالحامات واضحة جدا في جميع السيارات سواء تويوتا أو ميتسوبيشي أو غيرها

فالأهم هو التصميم وخطوات التنفيذ ومراجعة الجودة بعد الإنتهاء هي الفيصل وكل ذلك كان بمقاييس عالمية محددة لا يمكن التهاون فيها.

وإطمئنوا فالشركة الصينية لن تقبل بإهدار النجاح الذي وصلت له علي مستوي العالم ببساطة وقد تم إنشاء خط الإنتاج تحت إشرافها ولضمان مستوي الجودة الذي وصلت له والذي جعلها من أوائل الشركات الصينية في مجال السيارات

ومتانة السيارة سبب رئيسي لحصولها علي درجات عالية في إختبار التصادم الأوروبي EuroNCAP وليس الصيني وبإمكانكم مراجعة الموضوع التالي

http://www.nilemotors.net/Nile/83526-byd-f3.html

ونتمني دائما جودة عالية للسيارة التي قلبت موازين كثيرة بجميع الدول التي وصلت إليها كأمريكا خصوصا الموديل الهجين منها DM

[mimo4019]

مبرووووووووك الشركة نزلت إعلان اخيرا صفحتين كاملين في ملحق السيارات بتاع الأهرام وحتة كمان من الصفحة الرئيسية وفيهم اخبار كويسة عن التجميع.

[frg]

السلام عليكم
الحمد لله اطمنكم بان السياره الجميله f3 byd نزلت السوق وسعرها جميل جدا يبدأ من اول 60000 وموجوده وتم تصنيعها ونزلها اعلان كبير بالاهرام يوم الجمعه 18_12_2009 وبجد مفيش فرق بينها وبين الصينيه وده رقم التوكيل بالاسكندريه 034703330 وشكرا

[islamelesswi]

يارب يتم على خير

مساء الخير على الجميع وكل سنة هجرية و الجميع بخير وسلام ,يا جماعة أسمحولى أقولكم بأننى مبسوط جدا و طاير من الفرح النهاردة من أعلان الشركة عن أنتاج جميلتنا byd f3 وكمان كلمت أصدقاء ليا كانوا دائما بيستبعدو ان ده يحصل(طبعا بعد فاصل من التريقة ...أيه الbydدى) ويارب يكملو مابدأوه كالدعاية المستمرة علشان الناس تعرفها فهى عربية تستاهل أحسن من ال-تييت-اللى فى السوق وخسارة فيهم الفلوس وأهم حاجة يدوها لموزعين معروفين كالمصرية و الطارق كمثال مش الاسماء الغريبة اللى فى أعلان الشركة اللى محدش يعرفهم.

[islamelesswi]

عايز أقول حاجة كمان

معلش انا عايز أزود مقترح هام للشركة بأنه يجب فصل مراكز الصيانة بتاعة الbyd عن بتاعة اللادا وتدريب العاملين فى مراكز صيانة الbyd وتطوير أداؤهم بصفة مستمرة وكذلك شكل و مظهر المكان وخاصة أماكن أنتظار العملاء و زى العمل للقائمين يالمراكز يجب أن يتم توحيده والاهتمام بمظهره لاهمية هذه النقاط فى تسويق العربية ونجاحها و خصوصا بعد الزيادة المفترضة لعدد سيارات byd وعدد ملاكها.

[sv065]

السلام عليكم جميعا

الصراحة أخبار جميلة كلها اللي بنسمعها الفترة الأخيرة

وأنا عرفت إن جاري الإنتهاء من مركز الصيانة الرئيسي للسيارة byd بالقطامية وأكيد ده علشان المصنع الجديد ونرجو أن يكون علي أعلي مستوي

[sv065]

أنا كنت في باب اللوق النهاردة وأول مرة أشوف الإنتاج المصري من الجميلة BYD علي الطبيعة واقفة في معرض أمام بارك السيارات اللي في الفلكي والصراحة كانت واقفة زي الأسد في المعرض ولونها فيراني وكانت GL-I وطبعا أنا عملت نفسي زبون وباتفرج وفليييت العربية علشان أشوف إيه الفرق بينها وبين الصيني وهل فيه عيوب أو رداءة في التصنيع ....
والصراحة كانت أكثر من رائعة بحكم أني معايا واحدة GLX-I at وجدتها تحفة الصالون روعة جدا والدهان نظيف جدا وحوض الموتور زي الفل وموتور الميتسوبيشي منور فيها والعدادات الجميلة والبوصلة في المراية ومركبين لها كاوتش ماركة GT وده كويس جدا ولايق علي الجنوط الرياضية مقاس 16 .... كأني راكب عربيتي بالظبط وإذا ماكنش معايا BYD كنت إشتريتها من تاني

بأمانة العربية دي سعرها حيعلي أكيد بعد فترة صغيرة جدا والأيام بيننا